شوپیاں میں بھارتی فوجیوں کی تلاشی اور محاصرے کی کارروائی

سرینگر : غیر قانونی طور پر بھارت کے زیر قبضہ جموں و کشمیر میں بھارتی فوجیوں نے ضلع شوپیاں میں تلاشی اور محاصرے کی کارروائی شروع کی ہے ۔
کشمیرمیڈیاسروس کے مطابق بھارتی فوجیوں اور پیراملٹری اہلکاروں نے ضلع کے علاقے چوٹی گام میں تلاشی اور محاصرے کی کارروائی شروع کی ۔ فوجیوں نے فائرنگ بھی کی جس سے علاقے میں خوف و ہراس پھیل گیا۔ آخری اطلاعات ملنے تک فوجی کارروائی جاری تھی ۔
ادھر بھارتی فوجیوں نے پونچھ اور راجوری اضلاع کے مختلف علاقوں میں تلاشی اور محاصرے کی کارروائی اور گھروں پر چھاپوں کا سلسلہ جاری رکھا۔