غلام محمد صفی کو حریت کانفرنس آزاد کشمیر شاخ کا کنوینر منتخب ہونے پر مبارک باد

لندن تحریک کشمیر یورپ کے صدر محمد غالب اور تحریک کشمیر برطانیہ کے صدر فہیم کیانی نے غلام محمد صفی کوکل جماعتی حریت کانفرنس آزاد جموں وکشمیر شاخ کا کنوینر منتخب ہونے پر مبارکباد دی ہے۔
کشمیر میڈیا سروس کے مطابق دونوں رہنماؤں نے غلام محمد صفی کو مبارک باد دینے کیلئے مشترکہ طورپر ایک تقریب کا اہتمام کیا جس میں کشمیری تارکین وطن کی بڑی تعداد نے شرکت کی ۔محمد غالب اور فہیم کیانی نے کشمیر کاز کے لی غلام محمد صفی کی خدمات اور کشمیری عوام کے بنیادی حقوق کے پامالیوں کو اجاگر کرنے کیلئے انکے اہم کردار کی تعریف کی ۔ انہوں نے غلام محمد صفی کی قیادت پر مکمل اعتماد کا اظہار کیا اور مقبوضہ جموں و کشمیر کی بھارتی تسلط سے آزادی کے لیے مل کر جدوجہد جاری رکھنے کے عزم کا اعادہ کیا۔