کپواڑہ سے ایک شخص کی لاش برآمد

سرینگر: غیر قانونی طور پر بھارت کے زیر قبضہ جموں و کشمیر میں ضلع کپواڑہ کے علاقے آئورہ سے ایک شخص کی لاش برآمد ہوئی ہے جس کا گلا کٹا ہوا تھا۔
کشمیرمیڈیاسروس کے مطابق حکام نے بتایاکہ لاش مقتول کے گھر سے برآمد ہوئی ہے اوراس کی شناخت عبدالحمید خان ساکنہ میر مقام آئورہ کے نام سے ہوئی ہے ۔حکام نے بتایا کہ لاش خون میں لت پت تھی اوراس کا گلا کٹا ہوا تھا۔ایک پولیس افسر نے واقعے کی تصدیق کرتے ہوئے کہا کہ پولیس واقعے کی تحقیقات کررہی ہے۔